Komuna e Prishtinës ka publikuar orarin e kujdestarisë së barnatoreve për periudhën Tetor-Dhjetor.

Në njoftim bëhet e ditur se me datë 23.10 fillon zbatimi i orareve sipas rregullores nga barnatoret e Kryeqytetit, shkruan Arbresh.info

Njoftimi i plotë:

Në bazë të Rregullores për ndryshimin dhe plotësimin e rregullores për fillimin dhe mbarimin e orarit të punës së organizatave të biznesit në Kryeqytet, NR. 110-1203, DT.16.06.2010, të miratuar nga Kuvendi i Kryeqytetit, më 04.09.2023, është përgatitur orari i kujdestarisë së barnatoreve për periudhën Tetor-Dhjetor 2023.

Orari i publikuar nuk është final, andaj barnatoret mund të ofrojnë komentet e tyre deri më datë 19.10.2023, nëse nuk janë përfshirë në listë dhe ofrojnë arsye valide që nuk mund të kujdestarojnë.

Me datë 23.10.2023 fillon zbatimi i orareve sipas rregullores nga barnatoret e Kryeqytetit, pas shqyrtimit final të komenteve.

Në linkun më poshtë gjeni orarin e kujdestarisë së barnatoreve në Prishtinë

orari_i_barnatoreve_kujdestari_prishtine_1